O método preferido para instalar paquetes é mediante os xestores de paquetes que se describen neste capítulo. Porén, aínda que os arquivos de paquetes de Xubuntu son moi grandes, é posíbel que queira instalar un paquete que non estea disponíbel nos arquivos de Ubuntu. De ser así, pode tamén baixar e instalar ficheiros desde sitios web.
É importante que se asegure de que os ficheiros que descarregue proveñen dunha fonte segura antes de os instalar.
Existen moitos tipos diferentes de ficheiros de paquetes para Linux. A maioría están asociados cos xestores de paquetes de distribucións de Linux concretas. Entre os exemplos están os ficheiros de Paquetes de Debian (ficheiros .deb), ficheiros do Xestor de Paquetes RPM (ficheiros .rpm files) e os "Tarballs" (ficheiros .tar).
Esta sección trata sobre a instalación destes ficheiros.
![]() |
|
Non se pode garantir que estes ficheiros sexan compatíbeis co seu sistema e non recibirá actualizacións de seguranza se os instala. Debido a isto, se quere instalar un programa, utilice sempre un paquete de Ubuntu nativo da aplicación disponíbel mediante un xestor paquetes, de estar disponíbel. |
Estes ficheiros son Paquetes Debian. Os ficheiros de paquetes asociados con Ubuntu teñen un sufixo .deb por causa da relación próxima de Xubuntu coa distribución GNU/Linux Debian. Precisará dispor de privilexios administrativos para instalar un ficheiro .deb. Vexa Tarefas Administrativas para máis información.
Para instalar un ficheiro .deb, fai duplo clic nel. Se prefires usar o Terminal, dixita o seguinte:
sudo dpkg -i ficheiro_co_pacote.deb
Para desinstalar un ficheiro .deb, retíralle a marca de selección no teu xestor de pacotes. Ou, nun Terminal, dixita o seguinte:
sudo dpkg -r nome_do_pacote
Outro tipo de ficheiros de paquetes son os ficheiros de Red Hat Package Manager, que teñen o sufixo .rpm. Non se recomenda instalalos nun sistema Ubuntu. En case todos os casos existe un paquete .deb nativo para Xubuntu. Porén, de ser absolutamente necesario, pódese converter un ficheiro .rpm nun paquete .deb mediante o programa alien. O ficheiro .deb resultante instalarase usando dpkg como se explicou antes.
Instale o paquete alien
Nun Terminal, introduza:
sudo alien package_file.rpm
Os ficheiros cos sufixos .tar, .tgz, .tar.gz ou .tar.bz2 son ficheiros de paquetes coñecidos como tarballs, que se utilizan moito en Linux e Unix.
Se non existe un paquete Ubuntu nativo en ningún dos repositorios de Ubuntu, pode usar a liña de comandos para instalar ou desinstalar o ficheiro tarball.
O primeiro paso consiste en descomprimir e extraer o tarball. Se é .tgz ou .tar.gz, introduza nun Terminal
tar -xfvz nome_do_tarball
A continuación terá que seguir as instrucións que veñen co paquete. Normalmente estas atópanse no tarball extraído nun ficheiro chamado README ou INSTALL.
Os tarballs moitas veces conteñen o código fonte do programa e hainos que compilar para podelos usar.
![]() |
|
Compilar programas require algúns paquetes que non se instalan por omisión. Pódeos instalar todos xuntos se instala o paquete build-essential. |