Bilaketak


Bilaketa-leihoa

Bilaketa egitea

OmegaT-k bilaketa-funtzio asko eta indartsuak eskaintzen ditu. Ireki bilaketa-leihoa Ktrl+F sakatuz eta sartu bilatu nahi duzun hitza edo esaldia Bilatu hau kutxan.

Bestela, editorearen leihoan, hautatu hitz edo esaldi bat edizio-eremuan (alegia, segmentu aktiboaren helburu-testuan) eta sakatu Ktrl+F. Kasu honetan, hitza edo esaldia automatikoki sartuko da Bilatu hau kutxan.

Bilaketa-leihoa irekitzen den bakoitzean, koadroaren instantzia berri bat sortzen da. Leiho hauek ixtea ahazten bazaizu, mahaigainean multzo handi bat pilatzea gerta dakizuke.

Bilaketaren kokapena

Bilaketak proiektuaren sorburuan zein helburuan egiten dira. Bilaketak egin daitezke:

Azken kasuan, bilaketak OmegaT-k irakurri ditzakeen fitxategietan egingo ditu soilik (Ikusi Onartutako fitxategi-formatuak).


Bilaketa-metodoak

Hautatu metodoa aukera-botoiak erabiliz. Bilaketak egiteko, bi metodo hauetako bat aukeratu dezakezu:

Bilaketa zehatza
Adierazitako katea daukaten segmentuak bilatzen ditu.
Bilaketa-gakoa
Adierazitako gako-hitz guztiak eta edozein ordenatan dituzten segmentuak bilatzen ditu.

Erabiltzen duzun metodoa edozein dela, ondoko hiru aukerak erabili ditzakezu:

Maiuskulak/minuskulak
Aukera hau hautatuz gero, adierazitako kate zehatza bilatuko da; bestela, maiuskulak ezikusi egingo dira.
Adierazpen erregularrak
Aukera hau hautatuz gero, bilaketa-katea adierazpen erregulartzat hartuko da (gako-hitzen bilaketaren kasuan, adierazpen anitz bailiran tratatuko dira).
Bilatu TMetan
Aukera hau hautatuz gero, itzulpen-memoriak ere arakatuko dira.

Bilaketa zehatz batek esaldiak bilatzen ditu, hau da, hainbat hitzez osatutako kate bat adierazten bada, ordena horretan badaude soilik aurkituko dira. Bilaketa zehatza, Google bezalako Interneteko arakatzaileetan "esaldi zehatz" bat bilatzea bezalakoa da.

Hautatu Bilaketa-gakoa eta sartu nahi beste hitz, espazioz banaturik eta edozein ordenatan. OmegaT-k hitz guztiak dauzkaten segmentuen zerrenda bat erakutsiko du. Gako-hitzen bidezko bilaketa, Google bezalako Interneteko arakatzaileetan "hitz guztiekin" bilatzea bezalakoa da.


Komodinak erabiltzea

Bai bilaketa zehatzetan, bai gako-hitzen bidezkoan, '*' eta '?' komodinak erabili daitezke. Komodinak erabiltzeko, kontuan izan adierazpen erregularrak aukera hautatu ez duzula, bestela komodinak adierazpen erregularraren karakteretzat hartuko dira.

'*' karaktereak edozein karaktere-kopuru ordezkatzen du (esaterako, 'egi*' bilaketa-terminoaren bidez 'egi', 'egia' eta 'egizu' hitzak aurkituko dira).

'?' karaktereak karaktere bat ordezkatzen du ('egi?' terminoaren bidez 'egia' aurkituko da, baina ez 'egizu').

* edo ? karakterea daukaten segmentuak bilatu nahi izanez gero, adierazpen erregularren aukera aktibatu beharko duzu eta alderantzizko barra ('\') sartu karakterearen aurrizki gisa, esaterako 'x\*y' idatzi 'x*y' bilatzeko eta 'x\?y' idatzi 'x?y' bilatzeko.


Adierazpen erregularrak erabiltzea

Adierazpen erregularren bidezko bilaketak oso ahaltsuak dira kate baten instantziak bilatu nahi direnean. Komodinen bidezko bilaketa baten parekoak dira, baina askoz zaluagoak.

Bilaketetan erabiltzen diren adierazpen erregularrak Javak onartzen dituenak dira. Adierazpen erregularren formak eranskinean laburpen bat dago.

Informazio zehatzagoa behar baduzu, kontsultatu http://java.sun.com/j2se/1.4.2/docs/api/java/util/regex/Pattern.html.

Sarean gai honi buruzko tutorial errazak aurki ditzakezu (esaterako, http://www.regular-expressions.info/quickstart.html.)


Bilaketaren emaitzak erakustea

Bilaketa-eremuan kate bat sartu ondoren bilaketa-botoia sakatuz gero, bilatutako katea daukaten proiektuko segmentu guztiak erakutsiko dira. OmegaT-k segmentu berdinak entitate bakar gisa kudeatzen dituenez, lehen segmentu bakarra erakusten da soilik.

Bilaketa-leihoan erakusten diren segmentuen ordena, proiektuan daukaten ordena bera da. Itzulitako segmentuetan jatorrizko testua goian eta itzulitako testua behean erakutsiko dira; itzuli gabeko segmentuetan jatorrizko testua soilik erakutsiko da.

Segmentu batean klikatuz, editorea agertzen da segmentua aldatu ahal izateko. Aldaketaren ondoren, bilaketa-leihora itzul zaitezke eta aurkitutako hurrengo segmentuan klikatu hura ere aldatzeko. Mekanika hau oso erabilgarria da terminologiaren eguneraketak egiteko.


Legezko oharrak