Агляд
- Навучальная работа складаецца з набору старонак і, калі неабходна, табліцаў зместу.
- Старонка напоўненая некаторай інфармацыяй, якая звычайна заканчваецца пытаннем. Такая старонка мае назву Старонка з пытаннем.
- Кожная старонка звычайна мае набор адказаў.
- Кожны адказ мае тэкставае суправаджэнне, якое з'яўляецца пры выбары адказу. Гэта тэкставае суправаджэнне мае назву Водгук.
- Гэтак жа з кожным адказам звязаны Пераход. Пераход можа быць адносным: гэтая старонка, наступная старонка; або абсалютным - паказваецца любая са старонак навучальнай работы або канец работы.
- Па-змаўчанні, першы адказ пераходзіць на наступную старонку навучальнай работы. Наступныя адказы пераходзяць на бягучую старонку. Такім чынам, студэнту паказваецца тая ж самая старонка яшчэ раз, у выпадку калі ён не выбраў першы адказ.
- Наступная старонка вызначаецца ў адпаведнасці з лагічнай паслядоўнасцю. Гэта парадак старонак у адлюстраванні навучальнай работы настаўніка. Гэты парадак можа быць зменены шляхам перасоўвання старонак у межах навучальнай работы.
- Навучальная работа таксама мае парадак навігацыі. Гэта парадак старонак у адлюстраванні навучальнай работы студэнта. Ён вызначаецца пераходамі, паказанымі для асобных адказаў і ён можа адрознівацца ад лагічнай паслядоўнасці. (Калі для пераходаў не былі змененыя іх значэнні па-змаўчанні, лагічная паслядоўнасць захоўваецца). Настаўнік мае магчымасць змяняць парадак навігацыі.
- Пры адлюстраванні студэнту, адказы на пытанне звычайна перамяшаныя. Гэта азначае, што першы адказ з пункта погляду настаўніка, зусім не абавязкова будзе першым па ліку адказам у адлюстраванні пытання студэнта. (Больш таго, кожны раз пры паказе адказаў, яны будуць спарадкаваныя інакш). Выключэнне ўяўляе набор адказаў для тыпу пытання "Адпаведнасці", тут адказы паказваюцца ў тым жа парадку, як і ўводзіліся настаўнікам.
- Колькасць адказаў можа адрознівацца ад старонкі да старонкі. Да прыкладу, дапускаецца, што некаторыя старонкі могуць мець пытанне тыпу Так/Не, у той час, як іншыя маюць адзін правільны адказ і 3 няправільных.
- Цалкам магчыма зрабіць старонку без адказаў. Студэнту будзе паказаная кнопка Працягнуць замест набору адказаў.
- З мэтай ацэнкі навучальнай работы, за Правільны адказ прымаецца пераход на старонку, якая змяшчаецца ніжэй па лагічным парадку, чым бягучая старонка.
За Няправільны адказ прымаецца той, які пераходзіць альбо на бягучую старонку, альбо вышэй па лагічным парадку чым бягучая старонка. Калі пераходы не змененыя, то за правільны прымаецца першы адказ з набору адказаў, астатнія лічацца няправільнымі.
- Пытанні могуць мець больш за адзін правільны адказ. Да прыкладу, калі абодва з пытанняў маюць пераход на наступную старонку, абодва з іх лічацца правільнымі. (Хоць студэнтам будзе паказаная наступная старонка пры выбары любога з правільных адказаў, водгук для гэтых двух адказаў можа адрознівацца).
- Пры праглядзе навучальнай работы настаўнікам, правільны адказ падкрэслены.
- Табліцы зместу уяўляюць сабой простыя старонкі, якія маюць спасылкі на іншыя старонкі навучальнай работы. Звычайна навучальная работа пачынаецца з Табліцы зместу, якая грае ролю Зместу.
- Кожная спасылка ў табліцы зместу складаецца з дзвюх частак: апісанне спасылкі і загаловак старонкі, на якую робіцца спасылка.
- Табліца зместу дзеліць навучальную работу на некаторую колькасць секцыяў. Кожная секцыя можа ўтрымліваць набор старонак (як правіла, яны адносяцца да адной тэмы). Канец секцыі звычайна заканчваецца старонкай Канец зместу. Гэта адмысловая старонка, якая звычайна вяртае студэнта да папярэдняй табліцы зместу. (Пераход са старонкі "Канец зместу" можа быць зменены, калі гэта неабходна).
- У навучальнай рабоце можа быць больш за адну Табліцу зместу. Да прыкладу, навучальная работа можа быць з поспехам падзеленая на падсекцыі ў межах адной Табліцы зместу.
- Гэта вельмі важна, даваць студэнту магчымасць убачыць канец навучальнай работы. Гэта можа быць зроблена шляхам дадавання спасылкі "Канец навучальнай работы" на галоўнай Табліцы зместу, пры пераходзе на якую навучальная работа будзе завершаная. Іншы варыянт завяршэння навучальнай работы прызначаны для апошняй (паводле лагічнага парадку) Табліцы зместу ў навучальнай рабоце. У гэтым выпадку можна не дадаваць Канец зместу, навучальная работа будзе завершаная па дасягненні яе апошняй старонкі.
- Калі навучальная работа ўключае адну альбо больш табліцаў зместу, рэкамендуецца ўсталяваць параметр "Мінімальная колькасць пытанняў" з наступнай прычыны. Справа ў тым, што гэты параметр выстаўляе ніжнюю мяжу колькасці прагледжаных старонак з якіх складаецца ацэнка. Без гэтага параметру студэнт можа наведаць адну секцыю навучальнай работы, адказаць на ўсе пытанні правільна і пакінуць навучальную работу з максімальнай адзнакай.
- У далейшым, калі маецца Табліца зместу, студэнт мае магчымасць наведваць адну і тую ж секцыю больш за адзін раз. Варта адзначыць, што адзнака складаецца з колькасці старонак на якія адказвалі адзін раз. Такім чынам, паўторны адказ на адзін і той жа набор пытанняў аніяк не павялічвае адзнаку. (Больш за тое, такі адказ заніжае адзнаку, бо колькасць прагледжаных старонак выкарыстоўваецца ў назоўніку пры разліку адзнакі). Для таго, каб паказаць студэнтам іх паспяховасць, ім дэманструецца ў дэталях інфармацыя аб тым, на колькі пытанняў яны далі правільныя адказы, агульную колькасць прагледжаных старонак і іх бягучую адзнаку па кожнай секцыі (Табліцы зместу) навучальнай работы.
- Канец навучальнай работы дасягаецца альбо яўным пераходам на канец навучальнай работы (з Табліцы зместу), або пры пераходзе на наступную старонку пасля апошняй (паводле лагічнага парадку). Калі канец навучальнай работы дасягнуты, студэнт атрымлівае паведамленне віншавальнага характару і яму паказваецца ягоная адзнака за навучальную работу (лічба пытанняў на якія дадзеныя правільныя адказы/колькасць прагледжаных старонак).
- Калі канец навучальнай работы не дасягнуты і студэнт яго проста пакідае, то пры паўторным наведванні навучальнай работы студэнту будзе прапанавана пачаць работу ад пачатку, або працягнуць з апошняга пытання, на якое быў дадзены правільны адказ.
- Для навучальных работ, якія дазваляюць пераздачу, настаўнік можа абраць палітыку ацэнкі спробаў пераздачаў, да прыкладу, сярэднюю або максімальную адзнаку па ўсіх спробах, і выкарыстаць як канчатковую адзнаку за навучальную работу.