O establecemento dunha conexión depende de varias cousas. Vaise conectar directamente á Internet mediante un módem (sexa este un módem DSL ou de chamada? Dispón de acceso con banda larga e dun router ou outro sistema que permita compartir o acceso á Internet? Vai usuar unha conexión Ethernet ou sen fíos? DHCP ou estática? Estas son só algunhas das variábeis que debe coñecer e comprender antes de continuar e, posibelmente, causar máis problemas agora ou máis tarde.
Existen moitas maneiras de se conectar a unha rede ou á Internet. Porén, só se tratarán tres temas aquí.
DSL (Digital Subscriber Line, Liña Dixital de Subscritor) é unha forma de servizo de Internet de banda larga que consiste nun módem que se conecta coa rede do fornecedor do servizo. Algúns usuarios conectaranse directamente con ese módem ou poden ter un router conectado a el para poder compartir a conexión.
DHCP (Dynamic Host Configuration Protocol, Protocolo de Configuración de Dinámica de Hosts) é un protocolo de rede que permite que o seu sistema obteña un enderezo IP (Internet Protocol), enderezo da pasarela de acceso, máscara de rede, así como enderezos DNS (Domain Name System, Sistema de Nomes de Dominio). O uso de DHCP está configurado por omisión para cada interface de rede instalada no sistema. Isto fai que a conexión sexa máis doada e sen efectos visíbeis na maioría das situacións. the section called “Configuracións de rede frecuentes”.