Direktorioak eta Fitxategi Sistemak
Aurrekoa
Hurrengoa

Direktorioak eta Fitxategi Sistemak

Linux eta UNIXen fitxategi bat da guztia. Direktorioak fitxategiak dira, fitxategiak fitxategiak dira, gailuak fitxategiak dira.Askotan, gailuei nodo deritzaie; halaere, fitxategiak dira.

Linux eta Unix fitxategi sistemak modu hierarkikoan antolatzen dira, zuhaitz modura. Fitxategi sistemaren goreneko maila / edo erro direktorioa da. Beste fitxategi eta direktorio guztiak honen azpian daude. Adibidez, /home/mikel/loratxoak.jpg -rekin, loratxoak.jpg fitxategiaren bide osoa adierazten da, mikel direktorio barnean dagoena, home direktorio barnean dagoena, erro direktorio barnean (/) dagoena.

Linux distribuzio gehienetan mantentzen diren direktorio garrantzitsu batzuk daude erro (/) direktorio barnean. Hurrengo hauek erro (/) direktorio barnean egon ohi diren direktorio batzuk dira:

/bin

Agindu garrantzitsuak, historikoki binarioak izan dira, baina shell script-ak ere izan daitezke.

/boot

Abio (boot) konfigurazio fitxategiak, nukleoak, eta abio (boot)-an beharrezkoak diren beste fitxategi batzuk.

/dev

Gailu (device) fitxategiak.

/etc

Kofigurazio fitxategiak, abio script-ak, etab. (etc).

/home

Erabiltzaile ezberdinen etxe (home) direktorioak.

/initrd

Hasierako RAM diska (initial RAM Disk) pertsonalizatua sortzean erabilia.

/lib

Sistemaren liburutegiak.

/lost+found

Galdutako+aurkitutako (lost+found) sistema eskaintzen du erro (/) direktorioan dauden fitzategientzat.

/media

Automatikoki montatutako (kargatutako) euskarri (media) ezberdinak, CD-ak, argazki makina digitalak, etab.

/mnt

Eskuz montatuak diren diska gogorreko fitxategi sistemak.

/opt

Aukerazko (optional) "3rd party" aplikazioak; normalean modu estatikoan dira konpilatuak eta beste bertsio edo Linux distribuzioetan erabil daitezke.

/proc

Direktorio dinamiko berezia, sistemari buruzko informazioa duena, momentu oro martxan dauden prozesuak (processes) barne.

/root

Erro (root) erabiltzailearen etxe direktorioa.

/sbin

Garrantzi handiko sistemaren binario eta script-ak, normalean erro erabiltzaileak exekutatuak izateko.

/srv

Beste sistema batzuei zerbitzatuak (served) izan daitezkeen fitxategiak.

/sys

/proc fitxategi sistemaren antzekoa, baina sistemaren (system) prozesuen informazioa dauka.

/tmp

Aldi baterako (temporary) fitxategiak.

/usr

Erabiltzaile (user) guztiek erabil ditzaketen aplikazio eta irakur ditzaketen fitxategiak.

/var

Fitxategi aldagarriak (variable), log edo datubaseak adibidez.

Aurrekoa
Hurrengoa
Etxea